Olmaliq shahar Xalq deputatlari kengashi deputati Faxriddin Matasimov hamda kotibiyat bosh mutaxassisi Muhriddin Begmatov tomonidan hududdagi muammolarni o‘rganish va aholiga munosib sharoitlar yaratish borasidagi ishlar izchil davom ettirilmoqda.
Kuni kecha deputat F.Matasimov o‘z saylov okrugi hududida joylashgan Zarbuloq mahallasi, 10-sonli umumta’lim maktabida bo‘lib, muassasadagi mavjud sharoitlarni ko‘zdan kechirdi.

Jarayonda:
Maktab sport zalining bugungi holati, tozaligi va o‘quvchilar xavfsizligi talablariga javob berishi tahlil qilindi.
O‘quvchilar va yoshlarning sport bilan muntazam shug‘ullanishlari uchun zarur bo‘lgan jihozlar ko‘zdan kechirildi.
Xulosa: O‘rganishlar natijasida maktab sport zali va sport anjomlarining holati yaxshi darajada ekanligi, shuningdek, yetarli darajada qo‘shimcha zaxira jihozlari mavjudligi aniqlandi.

O‘rganish davomida, yozgi ta’til davrida o‘quvchilarning bo‘sh vaqtlarini mazmunli tashkil etish maqsadida maktab bazasida "Salomatlik markazi" tashkil etilganligi va u ayni paytda faoliyat ko‘rsatayotganligi kuzatildi. Markazda bolajonlarning sog‘lom va maroqli dam olishlari uchun barcha zarur sharoitlar yaratilgan.

Deputat ta’lim muassasasi rahbariyati va mas’ullarga yozgi mavsumni ko‘ngilli o‘tkazish, bolalar xavfsizligini ta’minlash hamda sport to‘garaklari faoliyatini yanada jonlantirish bo‘yicha o‘z tavsiyalarini berdi.