🏛 Doimiy komissiya tomonidan nazorat-tahlil tadbiri o‘tkazildi

✅Xalq deputatlari Rishton tumani Kengashining "Korrupsiyaga qarshi kurashish va xavfsizlik masalalari bo‘yicha" doimiy komissiyasi tomonidan navbatdagi nazorat-tahlil tadbiri o‘tkazildi.

✅Mazkur tadbirda doimiy komissiya a’zolari, Kengash kotibiyati bosh mutaxassisi S. Boboyev hamda Rishton tuman obodonlashtirish boshqarmasi mutaxassisi O‘. Sultonov ishtirok etdi.

✅Nazorat-tahlil tadbiri davomida O‘zbekiston Respublikasi Vazirlar Mahkamasining 2024-yil 11-oktyabrdagi 665-sonli qarori ijrosi hamda Xalq deputatlari Rishton tumani Kengashining 2026-yil 24-apreldagi VII-20-25-11-158-K/26-sonli qarori asosida tasdiqlangan manzilli ro‘yxatga muvofiq, Rishton tuman obodonlashtirish boshqarmasi tomonidan ichki yo‘llarni saqlash va joriy ta’mirlash ishlari yuzasidan "Toshog‘oliq" mahalla fuqarolar yig‘inida amalga oshirilgan ishlar joyiga chiqqan holda o‘rganildi.

✔️ O‘rganishlar natijasida Dastur doirasida mahalladagi:

Mustaqillik ko‘chasining 530 metr qismi;
Bobir ko‘chasining 470 metr qismi;
Gagarin ko‘chasining 70 metr qismi asfalt-beton qoplamasi bilan ta’mirlanib, belgilangan ishlar to‘liq yakunlanganligi aniqlandi.

🤩Shuningdek, komissiya a’zolari tomonidan bajarilgan ishlarning sifati, loyiha hujjatlariga muvofiqligi hamda yo‘llardan foydalanish uchun yaratilgan sharoitlar ko‘zdan kechirildi.

✔️ O‘rganish yakunlari bo‘yicha mas’ul tashkilotlarga amalga oshirilayotgan ishlar ustidan nazoratni izchil davom ettirish, yo‘l infratuzilmasini yaxshilash bo‘yicha belgilangan vazifalarni o‘z vaqtida va sifatli bajarish yuzasidan tegishli tavsiyalar berildi.

✅Xalq deputatlari Rishton tumani Kengashi tomonidan hududlarda amalga oshirilayotgan infratuzilma loyihalari ustidan deputatlik nazorati izchil davom ettiriladi.