2027-YIL DASTURLARIGA DEPUTAT TAKLIFLARI SHAKLLANTIRILMOQDA

Xalq deputatlari Pastdarg‘om tumani Kengashi deputatlari tomonidan 2027-yilga mo‘ljallangan hududlarni kompleks rivojlantirish dasturlariga saylovchilar ehtiyojlari va hududlarda mavjud muammolardan kelib chiqib takliflar kiritilmoqda.

🗣 7-Ilm saylov okrugi deputati Allayarova Nargiza Xoliqulovna tomonidan quyidagi muhim takliflar ilgari surildi:

🔹 Ilm mahallasi hududidagi 6 kilometr ichki yo‘llarni asfaltlashtirish, aholining qulay va xavfsiz harakatlanishi uchun zamonaviy yo‘l infratuzilmasini yaratish.

🔹 Ilm mahallasidagi 99-son va 116-son umumta’lim maktablari stadionlarini zamonaviy talablar asosida ta’mirlash hamda ularni zarur sport jihozlari bilan ta’minlash.

🔹 To‘rt Tom mahallasida davlat maktabgacha ta’lim tashkiloti qurish. Bugungi kunda ushbu mahallada davlat bog‘chasi mavjud emasligi sababli mazkur loyiha maktabgacha ta’lim qamrovini kengaytirish va yosh oilalar uchun qulay sharoit yaratishga xizmat qiladi.