Deputat kóshe-kóshe júrip mashqalalardı úyrendi

⚡️Xalıq deputatları Shımbay rayonlıq Keńesi 18-sanlı “Qırıq qız” saylaw okrugi “Adolat” demokratik partiyası deputatı S.Abdieva “Jipek jolı” MPJ aymaǵındaǵı kóshe-kóshe júrip, xalıq penen tikkeley sóylesti hám aymaqtaǵı bar mashqalalardı úyrendi.

Úyreniwler dawamında ishki jollar, ishimlik suwı, elektr támiynatı, abadanlastırıw, sanitariyalıq jaǵday hám basqa da áhmietli máseleler boyınsha puqaralardıń múrájatları tıńlandı. Anıqlanǵan mashqalalardı saplastırıw boyınsha tiyisli shólkem hám juwapkerlerge deputatlıq sorawlar hám usınıslar kirgiziliwi belgilendi.

Deputat bunday ushırasıwlar xalıqtı qıynap atırǵan mashqalalardı óz waqtında anıqlaw hám olardı ámeliy sheshiwde úlken áhmietke ie ekenin atap ótip, bunday úyreniw jumısları turaqlı dawam ettiriletuǵının bildirdi.