Депутатлик назорати: ёшлар билан манзилли ишлаш тизими ўрганилди

Халқ депутатлари Конимех туман Кенгашининг 8-«Чордара» сайлов округидан сайланган депутати Канимгул Нарбаева депутатлик назорати доирасида ўз сайлов округи ҳудудидаги «Юксалиш» маҳалла фуқаролар йиғинида бўлиб, маҳаллада ёшлар сиёсати соҳасида амалга оширилаётган ишлар билан яқиндан танишди.

Ташриф давомида маҳалладаги ёшлар етакчиси томонидан ёшларнинг бўш вақтларини мазмунли ташкил этиш, уларнинг бандлигини таъминлаш, касб-ҳунарга йўналтириш, тадбиркорликка жалб этиш ҳамда ижтимоий фаоллигини ошириш борасида амалга оширилаётган чора-тадбирлар муҳокама қилинди.

Шунингдек, ёшлар билан манзилли ишлаш тизими, «Ёшлар дафтари»га киритилган фуқароларни қўллаб-қувватлаш, уларнинг мурожаатларини ҳал этиш юзасидан олиб борилаётган ишлар ўрганилди. Депутат маҳалла фаоллари ва ёшлар билан мулоқот қилиб, уларнинг таклиф ва муаммоларини тинглади.

Ўрганиш якунлари бўйича ёшлар бандлигини янада ошириш, уларни доимий даромад манбаи билан таъминлаш, ёшлар сиёсатига оид давлат дастурлари ижросини самарали ташкил этиш юзасидан тегишли таклиф ва тавсиялар билдирилди.