Tashrif davomida deputatlar mahallaning ichki ko‘chalari, piyodalar yo‘laklari, ko‘p qavatli uylar atrofi hamda umumfoydalanishdagi hududlarning sanitariya holati va obodonlashtirilish darajasini o‘rganishdi. Aholi uchun munosib, qulay va toza muhit yaratish borasida bajarilayotgan ishlar tanqidiy-tahliliy ko‘rib chiqildi.
Shuningdek, mahallada yashil hududlarni ko‘paytirish, daraxt ko‘chatlarini ekish va ularni parvarish qilish, chiqindilarni o‘z vaqtida chiqarib ketish tizimini muvofiqlashtirish hamda ko‘chalarni yoritish tizimini yaxshilash yuzasidan mas’ullarga tegishli tavsiyalar berildi.
Deputatlar obodonlashtirish va ko‘kalamzorlashtirish ishlari nafaqat maxsus xizmatlar, balki mahalla ahlining faol ishtirokida, hamjihatlikda amalga oshirilishi muhimligini ta’kidlab, bu boradagi ishlar doimiy deputatlik nazoratida bo‘lishini qayd etdilar.