Xalq deputatlari Navoiy shahar Kengashi raisi saylovchilar oldida axborot berdi

Xalq deputatlari Navoiy shahar Kengashi raisi Baxtiyor Bazarov tomonidan 21-Turon saylov okrugida joylashgan "Yoshlik" mahalla fuqarolar yig‘inida saylovchilar bilan uchrashuv o‘tkazildi.

Uchrashuvda Baxtiyor Bazarov 2026-yilning ikkinchi choragi yakunlari bo‘yicha o‘z deputatlik faoliyati yuzasidan saylovchilar oldida axborot berdi. Jumladan, mazkur davr mobaynida aholi murojaatlari bilan ishlash, hududdagi ijtimoiy-iqtisodiy masalalarni hal etish, obodonlashtirish ishlarini amalga oshirish hamda fuqarolar manfaatlarini ta’minlash borasida bajarilgan ishlar haqida batafsil ma’lumot taqdim etildi.

Shuningdek, uchrashuv davomida saylovchilarning taklif va murojaatlari tinglanib, ular tomonidan ko‘tarilgan masalalar yuzasidan fikr almashildi. Murojaatlarning ijrosini ta’minlash hamda mavjud muammolarni bosqichma-bosqich hal etish bo‘yicha tegishli chora-tadbirlar belgilandi.

Uchrashuv ochiq muloqot va savol-javob ruhida o‘tdi. Unda saylovchilar o‘zlarini qiziqtirgan savollarga javob oldilar hamda hududni yanada rivojlantirishga doir takliflarini bildirdilar.