️Xalq deputatlari Jondor tumani Kengashiga 1-Tinchlik saylov okrugidan saylangan deputat I. Xolov hamda tuman Kengashi kotibiyati bosh mutaxassisi R. Murodov hamkorligida "Luqmon" mahallasida hokim yordamchilari tomonidan amalga oshirilayotgan ishlar samaradorligi o‘rganildi.
✔️O‘rganish davomida mahallada aholini kambagʻallikdan chiqarish, bandligini ta’minlash, tadbirkorlikni rivojlantirish, oilalarning daromad manbalarini kengaytirish hamda ehtiyojmand fuqarolarni manzilli qo‘llab-quvvatlash borasida amalga oshirilayotgan ishlar tahlil qilindi. Shuningdek, hokim yordamchilari tomonidan fuqarolarga ajratilayotgan imtiyozli kreditlar, subsidiya va boshqa ko‘maklarning natijadorligiga alohida e’tibor qaratildi.
✔️Muloqotlar jarayonida ayrim fuqarolarning murojaatlari tinglanib, ularni qiynayotgan muammolarni hal etish yuzasidan mas’ullarga tegishli tavsiya va topshiriqlar berildi. Mahallada kambagʻallikni qisqartirish dasturlari ijrosini yanada kuchaytirish, aholini doimiy daromad manbalari bilan ta’minlash hamda mikroloyihalarning ijrosi va yangi ish o‘rinlarini yaratish bo‘yicha takliflar ishlab chiqildi.
✔️Xalq deputatlari Jondor tumani Kengashi tomonidan mahallalarda kambagʻallikni qisqartirish, aholi bandligini oshirish va ijtimoiy-iqtisodiy rivojlanishni ta’minlashga qaratilgan ishlar ustidan deputatlik nazorati izchil davom ettirilmoqda.