O‘zbekiston Respublikasining “Ekologik nazorat to‘g‘risida”gi Qonuni (O‘RQ–363, 2013-yil 27-dekabr) ekologik nazoratning huquqiy asoslarini belgilab, atrof-muhitni muhofaza qilish, ekologik qonunchilik talablariga rioya etilishini ta'minlash va fuqarolarning sog‘lom ekologik muhitda yashash huquqini kafolatlashga xizmat qiladi.

Mazkur Qonunga muvofiq, ekologik nazoratni amalga oshirishda davlat organlari bilan bir qatorda mahalliy Kengashlar, fuqarolarning o‘zini o‘zi boshqarish organlari, nodavlat notijorat tashkilotlari hamda fuqarolarning faol ishtiroki muhim ahamiyat kasb etadi.

Xalq deputatlari Marg‘ilon shahar Kengashi ekologik qonunchilik ijrosi ustidan deputatlik nazoratini kuchaytirish, hududlarda ekologik muammolarni bartaraf etishga ko‘maklashish hamda aholining ekologik madaniyatini yuksaltirishga qaratilgan ishlarni izchil davom ettiradi.