Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Liberal demokratik partiyasidan saylangan tuman deputat M.Mirabdullayev tumanning “Besh-tut” mahallasida xotin-qizlar va nuroniylarning salomatligini mustahkamlash, kasalliklarni erta aniqlash hamda profilaktika ishlarini kuchaytirish maqsadida tashkil etilgan ommaviy tibbiy ko‘rik jarayoni bilan tanishdi.

🔺Tibbiy ko‘rik davomida malakali shifokorlar tomonidan fuqarolarning umumiy salomatligi baholanib, qon bosimi, yurak-qon tomir tizimi, terapevt va boshqa mutaxassislar ko‘rigi tashkil etildi. Shuningdek, zarur hollarda qo‘shimcha tekshiruvlar va davolanish bo‘yicha tegishli tibbiyot muassasalariga yo‘llanmalar berildi.

🔺Deputat tibbiy ko‘rikni tashkil etish sifati, tibbiyot xodimlarining aholiga munosabati, dori-darmon va tibbiy jihozlar bilan ta’minlanganlik holati hamda fuqarolar uchun yaratilgan shart-sharoitlarni o‘rgandi. Suhbatlar davomida ishtirokchilar bunday profilaktik tadbirlar aholi salomatligini saqlashda muhim ahamiyat kasb etishini ta’kidlab, ularni muntazam tashkil etish yuzasidan taklif va mulohazalarini bildirdilar.