Navbatdagi uchrashuv davomida deputat Xo‘ja Egiz ko‘chasidagi 17-xonadon egasi M.Dalimovning ko‘chani asfaltlashtirish masalasidagi murojaatini o‘rganish maqsadida fuqaro xonadonida suhbatlashdi. Suhbat davomida murojaatchi tomonidan mavjud muammo va uning yechimi yuzasidan takliflar batafsil bayon etildi.

O‘rganish yakunlariga ko‘ra, fuqaroning murojaati deputatning ko‘cha aylanish daftariga belgilangan tartibda qayd etildi. Shuningdek, mazkur masalani mutasaddi tashkilotlar bilan hamkorlikda atroflicha muhokama qilish, uni kelgusidagi hududiy infratuzilmani rivojlantirish dasturlariga kiritish yuzasidan tegishli choralarni ko‘rish bo‘yicha kelishuvga erishildi.

Fuqarolar murojaatlarini joyida o‘rganish, ularning muammolariga amaliy yechim topish hamda aholi bilan doimiy muloqotni yo‘lga qo‘yish deputatlik faoliyatining muhim yo‘nalishlaridan biri bo‘lib, bu boradagi ishlar davom ettirilmoqda.