Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishida “Aholini shovqinning zararli ta’siridan himoya qilish to‘g‘risida”gi O‘zbekiston Respublikasi Qonunining mazmun-mohiyati, uni tumanda keng targ‘ib etish hamda ijrosini ta’minlash masalasi ko‘rib chiqildi.

Yig‘ilishda mazkur Qonun aholini ortiqcha shovqinning salbiy ta’siridan himoya qilish, fuqarolar uchun sog‘lom va qulay yashash muhitini yaratish, shuningdek, davlat organlari, tashkilotlar hamda fuqarolarning bu boradagi huquq va majburiyatlarini belgilashi ta’kidlandi.

Muhokama yakunida:
qonunning mazmun-mohiyatini aholi o‘rtasida keng targ‘ib qilish;
uning ijrosini ta’minlash bo‘yicha mas’ul tashkilotlar bilan hamkorlikni kuchaytirish;
joylarda monitoring o‘tkazib,kamchiliklarni bartaraf etish yuzasidan tegishli choralari bo‘yicha qaror qabul qilindi.