Xalq deputatlari tuman Kengashi deputati H.Sulaymonova tomonidan navbatdagi sessiya kun tartibiga kiritilgan masala, tuman veterinariya va chorvachilikni rivojlantirish bo‘limi rahbarining hisoboti yuzasidan joylarda o‘rganish ishlari olib borilmoqda.

O‘rganishlar davomida mahallalarda fuqarolar bilan suhbatlar tashkil etilib, chorvadorlarni qiynayotgan muammolar, veterinariya xizmatlarining sifati, profilaktik tadbirlarning amalga oshirilishi hamda sohada mavjud kamchiliklar yuzasidan fikr va takliflar tinglanmoqda.

Aniqlangan masalalar tahlil qilinib, ularni bartaraf etish hamda tizim faoliyatini yanada takomillashtirish bo‘yicha tegishli takliflar ishlab chiqiladi.

Deputatlik nazorati esa fuqarolar manfaatlarini ta’minlash va sohada ochiqlik hamda samaradorlikni oshirishga xizmat qiladi.