Xalq deputatlari tuman Kengashi kotibiyati bosh mutaxassisi G.Abduvositova hamda tuman Kengashi deputati J.Ismonovalar Namuna mahallasiga tashrif buyurdilar. Tashrif davomida mahalla raisi M.Jo‘rayev bilan ochiq va amaliy muloqot o‘tkazilib, mahallada amalga oshirilayotgan ijtimoiy-iqtisodiy ishlar, aholi turmush farovonligini oshirish, obodonlashtirish va ko‘kalamzorlashtirish ishlarining holati muhokama qilindi. Shuningdek, aholini qiynayotgan dolzarb muammolar, ularni hal etish yuzasidan amalga oshirilayotgan chora-tadbirlar hamda kelgusida bajarilishi rejalashtirilgan ishlar xususida fikr almashildi. Suhbat jarayonida mahallada ijtimoiy himoyaga muhtoj oilalarni qo‘llab-quvvatlash, yoshlar bandligini ta’minlash, xotin-qizlar bilan ishlash, tadbirkorlikni rivojlantirish va infratuzilmani yanada yaxshilash masalalariga alohida e’tibor qaratildi. Tuman Kengashi vakillari mahallada olib borilayotgan ishlar bilan tanishib, mavjud muammolarni bosqichma-bosqich hal etish, aholi murojaatlarini o‘z vaqtida ko‘rib chiqish va davlat organlari hamda mahalla o‘rtasidagi hamkorlikni yanada mustahkamlash bo‘yicha tegishli taklif va tavsiyalarni bildirdilar.