“Payshanba – yoshlar kuni” munosabati bilan Sardoba tumani hokimi deputat Ziyadulla Karimov, tuman prokurori Ravshanbek Norbayev hamda tegishli tashkilotlar rahbarlari ishtirokida xorijda tahsil olayotgan va mehnat qilayotgan yoshlar bilan navbatdagi onlayn muloqot tashkil etildi.
Uchrashuvda Italiya, Turkiya, Janubiy Koreya, AQSh, Yaponiya hamda qo‘shni davlatlarda faoliyat yuritayotgan yoshlar qatnashdi. Samimiy va ochiq ruhda o‘tgan muloqot davomida yoshlarning muammolari, ularni qiynayotgan masalalar, shuningdek tadbirkorlikni yo‘lga qo‘yish, ish bilan ta’minlash kabi yo‘nalishlarda berilgan savollarga batafsil javoblar berildi.
Shuningdek, Sardoba tumanida aholi bandligini ta’minlash, yangi ish o‘rinlarini yaratish borasida amalga oshirilayotgan ishlar, ijtimoiy-iqtisodiy sohalarda kuzatilayotgan ijobiy o‘zgarishlar haqida ham atroflicha ma’lumotlar taqdim etildi.