📌 Doimiy komissiya tomonidan ajratilgan mablag‘larning maqsadli sarflanishi o‘rganildi

Xalq deputatlari tuman Kengashining tegishli qarori asosida ajratilgan mablag‘larning maqsadli va samarali sarflanishi yuzasidan Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi hamda Xalq deputatlari tuman Kengashi kotibiyati mudiri M.Turopova tomonidan Obod mahallasida joyiga chiqqan holda o‘rganish ishlari olib borildi.

O‘rganish davomida ajratilgan mablag‘lar hisobidan amalga oshirilayotgan qurilish, ta’mirlash ishlari bilan yaqindan tanishildi, bajarilgan ishlarning sifati, belgilangan muddatlarga rioya etilishi va mablag‘lardan maqsadli foydalanish holati ko‘zdan kechirildi.

Shuningdek, aniqlangan kamchiliklar yuzasidan mas’ul tashkilotlar vakillariga tegishli tavsiya va ko‘rsatmalar berildi hamda mazkur masala doimiy komissiya nazoratida ekanligi ta’kidlandi.