“Bunyodkor” MFY hokim yordamchisining faoliyati o‘rganildi

Xalq deputatlari Navoiy shahar Kengashi kotibiyati mudiri hamda kotibiyat bosh mutaxassisi D. Toirovlar tomonidan “Bunyodkor” mahalla fuqarolar yig‘inida faoliyat yuritayotgan hokim yordamchisining xizmat faoliyati o‘rganildi.

O‘rganish jarayonida hokim yordamchisi tomonidan aholi bandligini ta’minlash, tadbirkorlikni rivojlantirish, yangi ish o‘rinlarini yaratish, fuqarolarning daromadlarini oshirish, oilaviy tadbirkorlikni qo‘llab-quvvatlash hamda fuqarolarning murojaatlari bilan ishlash borasida amalga oshirilayotgan ishlar tahlil qilindi.

Shuningdek, O‘zbekiston Respublikasi Prezidentining kambag‘allikni qisqartirish, aholi bandligini ta’minlash va mahallalarda hokim yordamchilari faoliyati samaradorligini oshirishga qaratilgan hujjatlarida belgilangan vazifalar ijrosi, tadbirkorlikni rivojlantirish bo‘yicha amalga oshirilayotgan chora-tadbirlar, imtiyozli kredit va subsidiya olish istagida bo‘lgan fuqarolar bilan olib borilayotgan ishlar holati ham o‘rganildi.

O‘rganish davomida xizmat hujjatlarining yuritilishi, belgilangan vazifalar ijrosi hamda amalga oshirilgan ishlarning natijadorligi yuzasidan tahlil o‘tkazildi. Aniqlangan ayrim kamchiliklar bo‘yicha tegishli tavsiyalar berildi hamda ularni bartaraf etish yuzasidan zarur chora-tadbirlarni amalga oshirish tavsiya etildi.

Mazkur o‘rganish ishlari mahallalarda tadbirkorlikni rivojlantirish, aholi bandligini ta’minlash, kambag‘allikni qisqartirish va fuqarolarning ijtimoiy-iqtisodiy farovonligini oshirishga qaratilgan islohotlar ijrosini ta’minlashga xizmat qiladi.