Deputat tomonidan Qonun ijrosi o‘rganildi

📍 Xalq deputatlari tuman Kengashining 20-Bunyodkor saylov okrugi deputati E.Xayitov hamda Kengashi kotibiyati bosh mutaxassisi O.Norbo‘tayevlar tomonidan Qiziltepa mahalla fuqarolar yig‘ini hududida O‘zbekiston Respublikasining “Jismoniy va yuridik shaxslarning murojaatlari to‘g‘risida”gi O‘RQ-445-sonli Qonuni ijrosini ta’minlash yuzasidan o‘rganish ishlari olib borildi.

👥 O‘rganish jarayonida mahalla fuqarolar yig‘inida jismoniy va yuridik shaxslarning murojaatlarini qabul qilish, ro‘yxatga olish, ko‘rib chiqish hamda qonunchilikda belgilangan muddatlarda ijrosini ta’minlash holati tahlil qilindi. Shuningdek, murojaatlar bilan ishlash tizimi, fuqarolar qabulini tashkil etish va murojaatchilarga javob xatlarini rasmiylashtirish amaliyoti ham o‘rganildi.

📋 O‘rganish davomida aniqlangan kamchiliklarni bartaraf etish, murojaatlar bilan ishlash samaradorligini yanada oshirish, fuqarolarning huquq va qonuniy manfaatlarini ta’minlash yuzasidan mas’ullarga tegishli tavsiyalar berildi.

✅ Bu kabi o‘rganishlar Qonun talablariga to‘liq rioya etilishini ta’minlash, aholi murojaatlarini o‘z vaqtida va sifatli ko‘rib chiqish hamda davlat organlari faoliyatining ochiqligi va samaradorligini oshirishga xizmat qiladi.