Xalq deputatlari Parkent tuman Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna hamda 1-“Qoraqalpoq” saylov okrugidan saylangan deputat Yergashboyev Baxtiyor Rustamovich deputatlik nazorati doirasida o‘zlariga biriktirilgan “Parkenttumangaz” gaz ta’minoti filiali faoliyatini o‘rgandilar.O‘rganish davomida “Parkenttumangaz” gaz ta’minoti filiali rahbari E.Valiyev va rahbar o‘rinbosari Sh.Maxamatov bilan muloqot o‘tkazilib aholini tabiiy gaz bilan uzluksiz ta’minlash, chekka hududlarga suyultirilgan gaz yetkazib berish, isitish tizimlarining holati hamda ijtimoiy soha obyektlarida kuz-qish mavsumiga tayyorgarlik ishlari yuzasidan axborot olindi.Mas’ullar tomonidan ma’lum qilinishicha, kuz-qish mavsumiga puxta tayyorgarlik ko‘rish maqsadida tumandagi barcha mahallalarda xonadonlarga tabiiy gaz bosimini barqaror yetkazib berishni ta’minlash uchun har bir xonadonga gaz taqsimlovchi reduktorlarni o‘rnatish ishlari boshlangan.Deputatlar tomonidan amalga oshirilayotgan mazkur nazorat tadbirlari aholini sifatli va uzluksiz gaz ta’minoti bilan ta’minlash, kuz-qish mavsumini betalafot o‘tkazish hamda sohaga oid mavjud muammolarni o‘z vaqtida aniqlab, ularni bartaraf etishga xizmat qiladi.