Doimiy komissiya yig‘ilishida dastlabki tarzda quyidagi tumanda “Saxovat va ko‘mak” jamg‘armasida shakllangan umumiy mablag‘lar doirasida amalga oshirilgan ishlar to‘g‘risidagi masala ko‘rib chiqildi.

Yig‘ilish davomida masala yuzasidan tegishli hisobot tinglandi.

Ma’lumot o‘rnida, tumandagi “Zig‘ir” mahallasidan 10 mln so‘m, “Begobod” mahallasidan 20 mln, “Palaxon” mahallasidan 5 mln, “Tinchlik” mahallasidan 10 mln, “Yakkamulla” mahallasidan 20 mln hamda “Yangiyer” mahallasidan 10 mln so‘m taqsimlangan mablag‘lardan jami 75 000,0 (yetmish besh million) so‘m mablag‘ni tumandagi “Yangiqishloq” mahallasiga 15 mln, “CHorbog‘” mahallasiga 10 mln, “Begmurod” mahallasiga 20 mln, “CHang” mahallasiga 20 mln, “Yulg‘unzor” mahallasiga 10 mln so‘m mablag‘larni o‘tkazib berish yuzasidan tuman iqtisodiyot va moliya bo‘limi hamda “Inson” ijtimoiy xizmatlar markazining tegishli xatlari ko‘rib chiqildi.

So‘ngra doimiy komissiya a’zolari hamda Kengash huzuridagi ekspert guruhi a’zolari ushbu masala yuzasidan o‘zlarining zarur taklif va tavsiyalarini bildirib o‘tishdi.

Mazkur masalani navbatdagi sessiya kun tartibiga kiritish belgilab olindi hamda masala yuzasidan doimiy komissiyaning tegishli qarori qabul qilindi.

Xalq deputatlari Uchko‘prik tumani Kengashi