Xalq deputatlari Nurobod tumani Kengashi kotibiyati bosh mutaxassisi G.Mahammadieva hamda Respublika Ma’naviyat va ma’rifat markazi Nurobod tuman bo‘limi bosh mutaxassisi Elmurodov Xurshid Allamuratovich ishtirokida uchrashuv o‘tkazildi.

🔷Uchrashuv davomida jamiyatda ma’naviy-ma’rifiy ishlarni yanada kuchaytirish, yoshlar tarbiyasida o‘zaro hamkorlikni rivojlantirish, milliy qadriyatlarimizni keng targ‘ib qilish, shuningdek, targ‘ibot-tashviqot tadbirlarining samaradorligini oshirish masalalari muhokama qilindi.

🔷Shuningdek, hududda sog‘lom ma’naviy muhitni shakllantirish, aholi, ayniqsa, yoshlar o‘rtasida ma’naviy-ma’rifiy tadbirlarni tizimli tashkil etish, ularning bo‘sh vaqtini mazmunli tashkil etish hamda yoshlarni ilm-fan va innovatsion faoliyatga keng jalb etish bo‘yicha kelgusidagi ustuvor vazifalar belgilab olindi.

🔷Uchrashuv doirasida O‘zbekiston Respublikasining 2019-yil 29-oktabrda qabul qilingan “Ilm-fan va ilmiy faoliyat to‘g‘risida”gi O‘RQ-576-sonli Qonuni mazmun-mohiyati yuzasidan ham tegishli ma’lumotlar olindi. Mazkur qonunda ilm-fan sohasini davlat tomonidan qo‘llab-quvvatlash, ilmiy faoliyatni rivojlantirish, yoshlarni ilmiy izlanishlarga keng jalb etish, ilmiy tashkilotlar faoliyatini takomillashtirish va ilmiy salohiyatni yuksaltirishning muhim yo‘nalishlari belgilab berilganligi alohida ta’kidlandi.

🔷Tomonlar tomonidan qonun mazmunini aholi o‘rtasida keng targ‘ib etish, yoshlarning ilm-fanga qiziqishini oshirish, iqtidorli yoshlarni qo‘llab-quvvatlash hamda ilmiy salohiyatni rivojlantirishga qaratilgan tadbirlarni hamkorlikda amalga oshirish bo‘yicha kelishib olindi.

🔷Bunday hamkorlik deputatlik faoliyatining samaradorligini oshirish, ma’naviy-ma’rifiy ishlarni yangi bosqichga olib chiqish hamda yoshlarning intellektual salohiyatini yuksaltirishga xizmat qiladi.