DEPUTATLÍQ ISKERLIK: XALÍQ MÁPI HÁM ÁMELIY NÁTIYJELER

     Men, 7-sanlı, “Shayxanakópir” saylaw okruginen Xalıq deputatları Qaraózek rayonlıq Keńesi deputatı Qarmısova Rayxan Atajanovna usı jıldıń birinshi yarım jıllıǵı dawamında Keńes is-rejesi, sonday-aq, jeke rejem, belgilengen keste tiykarında óz saylawshılarım aldında ámelge asırǵan jumıslarım boyınsha saylawshılar menen ushırasıwlar ótkerip, esabat berip kelmektemen.
     Ushırasıwlar dawamında elimizde ámelge asırılıp atırǵan keń kólemli demokratiyalıq reformalar, ásirese, mámleketimiz basshısı tárepinen Qaraqalpaqstan Respublikasın sociallıq-ekonomikalıq rawajlandırıw, xalıqtıń abadanlıǵın arttırıw, injenerlik-kommunikaciya infrastrukturasın jaqsılaw, jańa jumıs orınların jaratıw jáne sociallıq qorǵaw sistemasın bekkemlewge qaratılǵan Párman hám qararlardıń mazmun-mánisi haqqında keńnen maǵlıwmat berildi.
     Sonday-aq, Xalıq deputatları Qaraózek rayonlıq Keńesiniń sessiyalarında qabıl etilgen sheshimler, olardıń xalıqtıń turmıs dárejesin jaqsılaw, aymaqlardı kompleksli rawajlandırıw hám sociallıq mashqalalardı sheshiwdegi áhmiyeti boyınsha úgit-násiyat jumısları alıp barıldı.
     Ushırasıwlarda usı jılda ushın qabıl etilgen "Máhállelerdi rawajlandırıw hám jámiyetti ilgeriletiw jılı" Mámleketlik baǵdarlaması sheńberinde belgilengen tiykarǵı wazıypalar, máhálleler infrastrukturasın rawajlandırıw, xalıqtı sociallıq qollap-quwatlaw, bántlikti támiyinlew, isbilermenlikti rawajlandırıw, bilimlendiriw, densawlıqtı saqlaw hám ekologiyalıq turaqlılıqtı támiyinlewge qaratılǵan ilajlar haqqında da maǵlıwmat berildi.
    Esabat dáwiri dawamında saylawshılardan jámi saylaw okrugi aymaǵınan 22 múrájat kelip tústi. Olardıń hárbiri úyrenilip, tiyisli mámleketlik hám xojalıq basqarıw uyımları jáne juwapker shólkemler menen birgelikte kórip shıǵıldı. Nátiyjede múrájatlardıń tiykarǵı bólegi unamlı sheshildi, qalǵanları boyınsha ámeliy ilajlar kórilmekte.
     Sonıń ishinde, rayondaǵı “Jańa Qaraózek” PPJ na qaraslı “Gerbish zavodı” elatında xalıqtıń aǵın suwǵa zárúrligi haqqındaǵı máselesi unamlı sheshilip, xalıq ushın áhmiyetli bolǵan mashqalalarǵa sheshim tabıldı. Bul bolsa saylawshılardıń turmıs sapası hám turmıs sharayatın jáne de jaqsılawǵa xızmet etedi.
     Ushırasıwlar dawamında saylawshılar mámleketimizde ámelge asırılıp atırǵan reformalardı keńnen qollap-quwatlaytuǵının, mámleketimiz tárepinen insan qádirin ulıǵlaw, xalıqtı sociallıq qorǵaw hám aymaqlardı rawajlandırıw baǵdarında ámelge asırılıp atırǵan jumıslar óz turmısında ayqın sezilip atırǵanın ayrıqsha atap ótpekte.
     Quwanıshlı tárepi, saylaw okrugim aymaǵındaǵı ishimlik suwǵa, túngi jaqtılandırǵısh isletip beriw, jasıl qaplamalı sport maydanshaları sıyaqlı áhmiyetli mashqalalar basqıshpa-basqısh sheshilmekte. Bul baǵdarda xalıq penen turaqlı pikirlesiw, olardıń pikir-usınısların esapqa alıw deputatlıq iskerligimniń tiykarǵı baǵdarlarınan biri bolıp qalmaqta.
    Sonıń menen birge, xalıq deputatları rayonlıq Keńesiniń sessiyaları, turaqlı komissiyalar májilisleri hám deputatlıq toparınıń májilislerinde turaqlı qatnasıp, partiyamız elektoratınıń máplerin qorǵaw, xalıqtı oylandırıp atırǵan sociallıq máselelerdi kóteriw, qabıl etilip atırǵan jańa nızam, qararlardıń xalıq máplerine xızmet etiwi boyınsha óz usınıs hám baslamalarımdı alǵa qoyıp kelmektemen.
       Keleshekte de saylawshılarım menen turaqlı qatnasta bolıp, olardıń mashqala hám usınısların tereń úyreniw, hárbir múrájatqa juwapkershilik penen qatnas jasaw jáne olardıń nızamlı máplerin qorǵaw deputatlıq iskerligimniń tiykarǵı baǵdarı bolıp qaladı.


Qarmısova Rayxan Atajanovna,
 7-sanlı  “Shayxanakópir” saylaw okruginen Xalıq deputatları  Qaraózek  rayonlıq Keńesi deputatı, ÓzXDP deputatlıq toparı aǵzası.