QONUN VA DEPUTAT FAOLIYATI

🏡 “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi Qonun fuqarolar va tadbirkorlik subyektlarining ayrim yer uchastkalari hamda ulardagi bino va inshootlarga bo‘lgan huquqlarini qonuniylashtirishning huquqiy asoslarini belgilaydi.

🏛 Xalq deputatlari mahalliy Kengashlari deputatlari mazkur qonun ijrosi ustidan deputatlik nazoratini amalga oshiradi. Jumladan, hududlarda qonun talablarining bajarilishini o‘rganadi, fuqarolar murojaatlarini tahlil qiladi, mas’ul tashkilotlar hisobotlarini eshitadi hamda aniqlangan muammolar yuzasidan tegishli choralar ko‘rilishiga ko‘maklashadi.

📨 Zarur hollarda deputatlar tomonidan mutasaddi idoralarga deputatlik so‘rovlari yuborilib, fuqarolarning qonuniy huquq va manfaatlarini ta’minlashga qaratilgan amaliy ishlar olib boriladi.