“Dolzarb 90 kun” loyihasi doirasida o‘rganish olib borildi

Xalq deputatlari Termiz tuman Kengashi kotibiyati mudiri A.Avliyakulov hamda 11-Sabzipoya saylov okrugi deputati S.Ikromov bilan birgalikda Sabzipoya MFY hududidagi 13-sonli umumta’lim maktabida “Dolzarb 90 kun” dasturi doirasida o‘rganish ishlari olib borildi.

O‘rganish davomida maktabda o‘quvchilarning bo‘sh vaqtini mazmunli tashkil etish, ularni sport va sog‘lom turmush tarziga jalb etish borasida yaratilgan sharoitlar ko‘zdan kechirildi. Suhbatlar jarayonida bolalarning futbol sportiga qiziqishi yuqori ekanligi, biroq futbol to‘plarining yetishmasligi aniqlandi.

Mazkur masalaga befarq bo‘lmagan deputat S.Ikromov tomonidan maktab o‘quvchilari va mahalla yoshlari uchun futbol to‘plari sovg‘a qilindi. Ushbu tashabbus yoshlarning sport bilan muntazam shug‘ullanishi, bo‘sh vaqtlarini mazmunli o‘tkazishi hamda sog‘lom turmush tarzini targ‘ib etishga xizmat qiladi.

Yosh avlodni har tomonlama qo‘llab-quvvatlash, ularning iste’dod va qobiliyatlarini ro‘yobga chiqarish, sportga bo‘lgan qiziqishini yanada oshirish borasidagi ishlar bundan buyon ham izchil davom ettiriladi.