Xalq deputatlari Bekobod tumani Kengashiga O‘zbekiston Liberal-demokratik partiyasidan saylangan deputat M.Samandarova tomonidan Dalvarzin mahallasidagi savdo do‘konlarida monitoring o‘tkazildi.

O‘rganish davomida aholi iste’moli uchun zarur bo‘lgan asosiy oziq-ovqat va kundalik ehtiyoj mahsulotlarining narx-navosi, mahsulotlar zaxirasi hamda savdo nuqtalaridagi ta’minot holati ko‘zdan kechirildi. Shuningdek, xaridorlar uchun yaratilgan sharoitlar va mahsulotlarning mavjudligi yuzasidan mas’ullar bilan muloqot qilindi.

Bunday o‘rganishlar aholini sifatli va hamyonbop mahsulotlar bilan uzluksiz ta’minlash, ichki bozorda narxlar barqarorligini saqlash hamda iste’molchilar manfaatlarini himoya qilishga xizmat qiladi.