Xalq deputatlari Bekobod shahar kengashi 11-“Turkiston” saylov okrugi deputati O‘zLiDeP a’zosi E.Abduraxmonov, “Milliy tiklanish” DP a’zosi
K.Shukurov, Xalq deputatlari shahar kengashi kotibiyati mudiri X.Ibragimova, bosh mutaxassisi U.Abdunazarov tomonidan Xalq deputatlari shahar kengashining navbatdagi sessiya kun tartibiga kiritilgan masalalardan biri joyiga chiqib o‘rganildi. Mahallalar va ta’lim muassasalaridagi yoshlarni yozgi ta’tilini mazmunli va samarali o‘tkazishga qaratilgan “Dolzarb 90 kun” tadbirlari shahar hokimligi tomonidan 2026-yil 11-iyun kuni
chora-tadbirlar dasturi ishlab chiqilgan. Unga ko‘ra shahardagi 18 ta umumta’lim maktablarida hamda “Kelajak markazi”da, 33 ta mahallalarda “Yozgi kasblar” to‘garaklari tashkil etiladi. O‘quvchi yoshlarni 10 turdagi kasblar va 6 ta xorijiy tilga o‘qitish yo‘lga qo‘yiladi. Yoshlarning ijtimoiy faolligini
oshirish hamda iste’dodli yoshlarni qo‘llab-quvvatlash maqsadida “Yoshlar tashabbuslari marafoni” tashkil etiladi. Shuningdek, sport yo‘nalishida, “besh muhim tashabbus” va kitobxonlik yo‘nalishlarida tanlovlar tashkil etiladi. O‘rganish jarayonida vujudga kelgan savollarga atroflicha javoblar olindi.