Xalq deputatlari Bekobod shahar kengashining a’zolari kengash raisi J.Dushabayev rahbarligida shahrimizning “Do‘stlik” MFY hududida shahar hokimi N.Babayev va keng jamoatchilik tashabbusi bilan amalga oshirilayotgan bunyodkorlik va obodonchilik ishlari bilan tanishdilar. Qayd etish lozimki, qisqa muddat ichida o‘zaro hamjihatlik va aniq maqsadlar sari birlashgan holda ushbu hududda Yangi O‘zbekistonni yorqin qiyofasi qad rostlamoqda. Avvalombor, huddud noqonuniy qurilma va obyektlardan tozalanib, ko‘p qavatli uylar tashqi fasadlariga zamonaviy bezak va ranglar berilib, baxtli nuroniylar, jo‘shqin yoshlarni tasviri tushirilgan rasmlar insonlarni kayfiyatiga ijobiy ta’sir ko‘rsatmoqda. Maydonlarga yashil lanshaft
yotqizilib, turli xil gul ko‘chatlari va manzarali daraxtlar ekilmoqda. Ko‘p qavatli uylarga kirish yo‘laklari, eshiklari, ichkari qismi ta’mirlanib, xavfsizlikni ta’minlash uchun kuzatuv kameralari o‘rnatildi. Zamonaviy qiyofada Boshqaruv servis kompaniyasini yangi binosi qad rostlab, aholiga sifatli va to‘laqonli xizmat ko‘rsatishi uchun barcha sharoitlar yaratilmoqda. Aholini maroqli dam olishlari uchun yo‘laklar atrofiga o‘rindiqlar, bolalar maydonchalari, sport inshootlari, naqshinkor ustunlar bilan bezatilgan ayvonlar aholiga xizmat qilishiga shay holatga keltirilmoqda. Ta’lim
va tarbiya o‘chog‘i bo‘lgan 5-sonli umumta’lim maktabi, “Kelajak markazi” binosi ta’mirlanib, yangicha qiyofa kasb etmoqda. Shahar kengashi deputatlari ushbu ishlar bilan tanishib, aholi, ayniqsa yoshlar o‘rtasida yaratilgan ushbu qulayliklar va yashilliklardan unumli foydalanish, asrab-avaylash, ehtiyotkorona munosabatlarda bo‘lish, maishiy va tabiiy chiqindilarni belgilagan joylarga tashlash, inventarlarni bus-butunligini ta’minlash yuzasidan tushuntirish ishlarini olib bordilar. O‘z navbatida bunday ulkan ishlarni amalga oshirishda jonbozlik ko‘rsatayotgan davlatimiz rahbariga, shuningdek, hasharda faollik ko‘rsatayotgan barcha mas’ullarga o‘z minnatdorchiliklarini izhor etib, kun sayin yaqinlashshib kelayotgan davlat Mustaqilligining 35 yilligiga munosib tuhfa ekanligini ta’kidladilar.