Xalq deputatlari viloyat Kengashi deputati A.Xuseynova hamda Romitan tumani Kengashi deputatlari ishtirokida  2026-yil yoz mavsumida bolalarni dam oldirish va sog‘lomlashtirish mavsumini yuqori saviyada o‘tkazish bo‘yicha tumandagi “Romitan” bolalar sog‘lomlashtirish oromgohida amalga oshirilayotgan ishlarni ko‘zdan kechirdi.
Oromgohda yaratilgan sharoitlar, oromgoh dam oluvchilarining maroqli dam olishlari uchun yaratilgan sharoitlar, oziq-ovqat zaxirasi, oshxona faoliyati bilan tanishib, xodimlar bilan suhbat qilindi.
Dam oluvchilar uchun tashkil etilgan to‘garaklar faoliyati, o‘quvchilarning qiziqishi, oromgoh taassurotlari bilan o‘rtoqlashildi.
Oromgoh faoliyatini samarali tashkil etish bo‘yicha mutasaddilarga ko‘rsatma va topshiriqlar berildi.
Shuningdek, yotoqxona, pavilyon, hojatxona, yuvinish xonalari, oshxona va tibbiyot xonasining jihozlanishi, “Ma’naviyat-ma’rifat” xonasi, kutubxona hamda to‘garak xonalarining tashkil etilganligi holati ham ko‘zdan kechirildi.