Oʻrganishda deputat mahalla faollari va fuqarolar bilan muloqot qilib, ularning murojaat va takliflarini tingladi. Aholi vakillari, avvalo, mahalla ko‘chalarining tungi yoritilishi masalasi muhokama qilindi. Fuqarolar ayrim hududlarda yoritish moslamalarining yetarli emasligi yoki eskirgani sababli kechki paytlarda noqulayliklar yuzaga kelayotganini bildirdilar. Deputat tomonidan ushbu masala yuzasidan mutasaddi tashkilotlar bilan hamkorlikda amaliy choralar ko‘rish zarurligi ta’kidlandi.

Elektr ta’minoti bilan bog‘liq murojaatlar ham e’tibordan chetda qolmadi. Aholi kuz qish mavsumida ayrim hollarda elektr energiyasi kuchlanishining pasayishi yoki uzilishlar kuzatilayotganini ma’lum qildi. Muammolarni bartaraf etish maqsadida tegishli xizmatlar bilan hamkorlikda mavjud holatni tahlil qilish va zarur texnik tadbirlarni amalga oshirish yuzasidan takliflar bildirildi.

Deputat X.Abdurahmonov ko‘tarilgan masalalar bo‘yicha tegishli tashkilotlarga deputatlik so‘rovlari yuborilishi, muammolarni bosqichma-bosqich hal etish yuzasidan nazorat o‘rnatilishini ma’lum qildi.