Xalq deputatlari Zarbdor tuman Kengashi kotibiyatida deputatlar tashabbusi bilan Kengash kutubxonasi tashkil etildi.

Mazkur tashabbus doirasida Xalq deputatlari Zarbdor tuman Kengashi deputatlari Sahobiddin Xadjikulov, Zokir Mullajonov, Maxfuza Isroilova hamda Sanobar Keldibekovalar tomonidan Kengash kutubxonasiga 15 dan ortiq kitob esdalik sovg‘asi sifatida topshirildi.

Ta’kidlanganidek, kutubxona fondini boyitish deputatlar, kotibiyat xodimlari hamda yoshlarning kitobxonlik madaniyatini yuksaltirish, ularning bilim va dunyoqarashini kengaytirishga xizmat qiladi.

Mazkur tashabbus Kengash faoliyatida ma’naviy-ma’rifiy ishlarni yanada rivojlantirish, kitobxonlikni targ‘ib qilish hamda mutolaa muhitini shakllantirish yo‘lidagi muhim qadam bo‘ldi.