🇺🇿Xalq deputatlari Nurobod tumani Kengashining 21-sessiyasi kun tartibiga kiritilishi rejalashtirilgan masalalar yuzasidan tuman Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishi bo‘lib o‘tdi.

️Yig‘ilishda hududni ijtimoiy-iqtisodiy rivojlantirish, mahalliy byudjet mablag‘laridan samarali foydalanish hamda aholi uchun qulay infratuzilmani shakllantirishga qaratilgan qator masalalar muhokama qilindi.

🔹 Jumladan, 2026-yilda tumandagi mahallalarda ichki yo‘llarni saqlash va joriy ta’mirlash ishlari bo‘yicha dastlabki manzilli ro‘yxatni tasdiqlash masalasi ko‘rib chiqildi. Mazkur masala yuzasidan Nurobod tumani hokimligi Obodonlashtirish boshqarmasi boshlig‘ining birinchi o‘rinbosari L.Eshmirzayevning hisoboti eshitildi.

🔹 Shuningdek, 2026-yil I chorak yakuni bilan jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar hisoboti bo‘yicha tuman Iqtisodiyot va moliya bo‘limi boshlig‘i o‘rinbosari R.Ibragimov axborot berdi.

🔹 Yig‘ilishda mahalliy byudjetning 2026-yil I chorak daromadlar rejasi oshirib bajarilishi natijasida iqtisod qilingan mablag‘larni maqsadli yo‘naltirish masalasi ham muhokama qilindi.

🔹 Bundan tashqari, “Nurobod tumani infratuzilma va ijtimoiy barqarorlik” jamg‘armasi hisobidan mablag‘ ajratish hamda aholini asosiy turdagi oziq-ovqat mahsulotlari bilan kafolatli ta’minlash, narxlar barqarorligini saqlash bo‘yicha amalga oshirilayotgan ishlar yuzasidan ham tuman hokimining birinchi o‘rinbosari R.Niyazovning hisobotlari tinglandi.

✅Muhokamalar yakunida kun tartibidagi masalalar doimiy komissiya a’zolari tomonidan atroflicha ko‘rib chiqilib, tegishli qarorlar qabul qilindi.