Pastdarg‘om tumani fuqarolarining o‘zboshimchalik bilan egallab olingan yer uchastkalari hamda ularda qurilgan bino-inshootlarga bo‘lgan huquqlarini e’tirof etish bo‘yicha Xalq deputatlari Samarqand viloyati Kengashi tomonidan qabul qilingan qaror yuzasidan tuman hokimligida yig‘ilish bo‘lib o‘tdi.
Unda tuman hokimi o‘rinbosarlari, xalq deputatlari Kengashi kotibiyati mudiri hamda mas’ul tashkilot rahbarlari ishtirok etdi.
Yig‘ilish davomida fuqarolarning murojaatlari va e’tirozlari atroflicha ko‘rib chiqildi.
Ta’kidlanganidek, mazkur qaror nafaqat mulkiy huquqlarni ta’minlash, balki kelgusida kredit olish, meros qoldirish va mulkni qonuniy ravishda sotish kabi fuqarolik-huquqiy munosabatlarni ham yengillashtiradi.
Shu bilan birga, qarorlarni amalga oshirish jarayonida xatolikka yo‘l qo‘ymaslik, har bir murojaatni qonuniy va adolatli ko‘rib chiqish yuzasidan tegishli mas’ullarga topshiriqlar berildi.