O‘rganish davomida mahallada nogironligi bo‘lgan 57 nafar fuqaro, Ijtimoiy reyestrga kiritilgan 31 nafar shaxs hamda davlat ta’minotidagi 12 nafar fuqaro mavjudligi aniqlandi. Shuningdek, kambag‘allik chegarasida yashayotgan 11 ta oila bilan manzilli ishlash ishlari olib borilayotgani qayd etildi.

 Fuqarolarni qo‘llab-quvvatlash maqsadida 2 ta nogironlik aravachasi va 2 dona qo‘ltiqtayoq ajratildi. Shuningdek, 18 nafar fuqaroga oziq-ovqat mahsulotlari va kiyim-kechak shaklida ijtimoiy yordam ko‘rsatildi.

Mazkur o‘rganishlar aholining ijtimoiy himoyasini kuchaytirish, ehtiyojmand oilalarni qo‘llab-quvvatlash va ularning hayot sifatini yaxshilashga xizmat qilmoqda.