Xalq deputatlari Zomin tuman Kengashi deputati, kotibiyat mudiri M.G'oibnazarov tomonidan Zomin tuman elektr tarmoqlari korxonasiga chiqarilgan deputat so‘rovi ijobiy xal qilindi.

So'rovda, Nihol mahallasida o‘rnatilgan simyog‘ochlar uzoq yillar davomida foydalanilgani sababli eskirib, yaroqsiz holga kelgani, ayrim joylarda esa aholi uchun xavfsizlik va noqulayliklar keltirib chiqarayotgani ta’kidlangan..

Murojaat bo'yicha Mazkur murojaat asosida hudud deputati hamda mas’ul tashkilotlar ishtirokida holat joyiga chiqib o‘rganildi. O‘rganish davomida mavjud simyog‘ochlarni yangisiga almashtirish zarurligi aniqlanib, muammoni ijobiy hal etish bo‘yicha amaliy choralar belgilandi.

Natijada hududga yangi beton ustunlar olib kelinib, eskirgan simyog‘ochlarni bosqichma-bosqich almashtirish ishlari boshlandi.