Xalq deputatlari Sherobod tuman Kengashining yigirma uchinchi sessiyasi bo‘lib o‘tmoqda.

Sessiyada navbatdagi “O‘zbekiston Respublikasi Oliy Majlisi Senati Kengashining “Hududlarni rivojlantirish hamda aholi muammolarini hal yetishda mahalliy Kengashlar deputatlari va senatorlarning “mahalla yettiligi”bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-V-son qarori ijrosini ta’minlash maqsadida, 2025-yil yakunlari bo‘yicha Sherobod tumanini kompleks ijtimoiy-iqtisodiy rivojlantirish borasida tumanda amalga oshirilgan ishlar to‘g‘risida”gi masala ko‘rib chiqildi.

Mazkur masala yuzasidan Reglament va deputatlik odob-axloqi masalalari bo‘yicha doimiy komissiya raisi Z.Eshmurodova ushbu masalaning doimiy komissiyada atroflicha muhokama qilingani hamda qaror loyihasi yuzasidan komissiya xulosalarini bayon etdi.

So‘z yakunida mazkur masalaning dolzarbligini inobatga olib, deputatlar qaror loyihasini qo‘llab-quvvatlashga chaqirildi. Ovoz berish yakunlariga ko‘ra, qaror loyihasi deputatlar tomonidan bir ovozdan ma’qullandi.