Xalq deputatlari
tuman Kengashining 2025 yil 24 noyabrdagi VII-19-91-10-142-K/25-sonli qarori
ijrosini ta’minlash, xususan, maktab va maktabgacha ta’lim tashkilotlarining
hojatxonalarini qurish hamda ta’mirlash uchun ajratilgan mablag‘larning
maqsadli sarflanishini o‘rganish izchil davom ettirilmoqda.

Mazkur qaror
doirasida navbatdagi nazorat tadbiri 8-Oybek saylov okrugidan saylangan deputat
(O'zLiDeP deputatlik guruhi a’zosi), Kengash raisi A. Ibragimov hamda Kengash
kotibiyati bosh mutaxassisi L. Iskandarov tomonidan amalga oshirildi. Jarayonda
tumandagi 17-sonli davlat maktabgacha ta’lim tashkilotidagi (MTM) sharoitlar
joyiga chiqqan holda ko‘zdan kechirildi.

O‘rganish
davomida quyidagi kamchiliklar aniqlandi:

Bog‘chadagi
bolalar hojatxonalari shu kunga qadar ta’mirlanmagan;

Hojatxonalarning
umumiy sanitariya va texnik ahvoli qoniqarsiz holatda ekanligi ma’lum bo‘ldi.

Go‘daklar
sog‘lig‘i va ularning munosib sharoitlarda ta’lim-tarbiya olishi
to‘g‘ridan-to‘g‘ri ushbu infratuzilmaga bog‘liq. Shu bois, ajratilgan
mablag‘lar ijrosini paysalga solish yoki mas’uliyatsizlikka yo‘l qo‘yish
mutlaqo qabul qilinishi mumkin emas. Telegram(http://t.me/PiskentTumaniKotibiyati) Facebook(https://www.facebook.com/share/1B4wErcYvP/