Xalq deputatlari Qo‘qon shahar Kengashi deputati R.Talipdjanov tomonidan fuqarolar murojaatlari asosida tegishli mutasaddi tashkilotlarga deputatlik so‘rovi yuborildi.

Deputatlik so‘rovida “Navro‘z” mahalla fuqarolar yig‘ini hududida joylashgan A.Navoiy 105, 106 va 107-ko‘p qavatli uylar atrofidagi mavjud muammolar ko‘tarildi. Xususan, yangi qurilgan ko‘p qavatli uylar oldidagi hududning qurilish me’yorlariga mos emasligi, oqava suv tizimining yaroqsiz holga kelgani hamda hududdagi sanitariya-gigiyena bilan bog‘liq kamchiliklar fuqarolar tomonidan bildirilgani qayd etildi.

Shuningdek, deputatlik so‘rovida mazkur hududdagi ekologik vaziyatni yaxshilash, atrof-muhitga salbiy ta’sir ko‘rsatayotgan omillarni bartaraf etish, oqava suv tizimini ta’mirlash hamda sanitariya holatini nazoratga olish yuzasidan tegishli choralar ko‘rish so‘ralgan.

Mazkur masala deputat tomonidan alohida nazoratga olingan bo‘lib, murojaatda ko‘tarilgan muammolarni ijobiy hal etish yuzasidan mutasaddi tashkilotlar bilan hamkorlikda ish olib borilishi ta’kidlandi.

Deputatlik so‘rovi ijrosi va amalga oshirilayotgan ishlar yuzasidan jamoatchilikka qo‘shimcha ma’lumotlar berib boriladi.

Fuqarolar murojaatlarini o‘z vaqtida ko‘rib chiqish va mavjud muammolarni amaliy hal etish deputatlik faoliyatining ustuvor yo‘nalishlaridan biri hisoblanadi.

Xalq deputatlari Qo‘qon shahar Kengashi