Bo‘stonliq tumanining olis hududlaridan biri – “Pskom” mahallasida “Pskom – asrlarga teng qadimiy qishloq” mavzusida “Uch avlod uchrashuvi” ma’naviy-ma’rifiy va madaniy tadbiri tashkil etildi. Tadbirda tuman hokimi-deputat J.Axmedov, tuman Kengashi deputatlari, mehnat faxriylari, nuroniylar, mahalla faollari hamda yoshlar ishtirok etdilar.

🔺Tadbirda keksa avlod vakillarining hayotiy tajribasi, avlodlar o‘rtasidagi hurmat va birdamlikni mustahkamlash masalalariga alohida e’tibor qaratildi. So‘zga chiqqan faxriylar tinchlikning qadriga yetish, Vatanga sadoqat bilan xizmat qilish, yoshlarni harbiy-vatanparvarlik ruhida tarbiyalash, ilm olish va kasb-hunar egallashning ahamiyati haqida fikr bildirdi.

🔺Shuningdek, tuman rivojiga munosib hissa qo‘shib kelayotgan faxriylar va jamoatchilik faollariga hurmat ko‘rsatilib, tuman hokimligi tomonidan esdalik sovg‘alari topshirildi. Tadbir davomida milliy kuy-qo‘shiqlar va madaniy chiqishlar namoyish etilib, ishtirokchilarga ko‘tarinki kayfiyat ulashildi.