Fuqarolar murojaatlari tinglandi, oilaviy qadriyatlar va ma’naviyat masalalari muhokama qilindi

🏛 Xalq deputatlari Olmazor tuman Kengashi deputati I.Sagdullayev va “Xastimom” MFY raisi S.Yaxyayeva hamda yettilik vakillari tomonidan navbatdagi uchrashuv o‘tkazilib, fuqarolarning ijtimoiy, maishiy va oilaviy hayot bilan bog‘liq murojaatlari tinglandi.

💡Uchrashuvda asosan ayollar bandligini ta’minlash, aholini qiynab kelayotgan ijtimoiy, maishiy va infratuzilmaga oid muammolar yuzasidan fuqarolarning murojaatlari tinglanib, ularni bartaraf etish bo‘yicha tegishli mutasaddilarga vazifalar belgilandi. Shuningdek, mahallada istiqomat qiluvchi oilalarning ijtimoiy holati, yoshlar bandligi hamda oilaviy muhit masalalariga alohida e’tibor qaratildi.

📍Jumladan, o‘rganish jarayonida 1 nafar oilada oilaviy kelishmovchilik sabab ajrim holati yuzaga kelganligi aniqlanib, ushbu oilaning muammosini ijobiy hal etish maqsadida profilaktik suhbatlar tashkil etildi. Deputat, mahalla raisi hamda mutasaddilar tomonidan oila a’zolari bilan individual muloqot olib borilib, oilani saqlab qolish, farzandlar manfaatini himoya qilish hamda o‘zaro totuvlikni mustahkamlash yuzasidan tushuntirish ishlari amalga oshirildi. Oila mustahkamlanib, ajrim holati olindi hamda oila saqlanib qolishi natijasiga erishildi.

📌 Shuningdek, mahalladagi mavjud muammolarni tizimli ravishda bartaraf etish, fuqarolar murojaatlariga tezkor yechim topish hamda aholining turmush farovonligini oshirish borasida hamkorlikdagi ishlarni yanada kuchaytirish zarurligi ta’kidlandi. Deputat tomonidan aniqlangan masalalarni tegishli tashkilotlar bilan hamkorlikda nazoratga olish va amaliy yordam ko‘rsatish bo‘yicha tegishli tavsiyalar berildi.