Халқ депутатлари Янгиқўрғон тумани Кенгаши депутати Ғайбуллаев Шавкатжон Муҳаммаджон ўғли томонидан сайлов округида жойлашган Барака маҳалла фуқаролар йиғинида бўлиб, маҳалла еттилиги билан биргаликда жиноятчиликнинг олдини олишга қаратилган ишлар ўрганилди.

Учрашув давомида ҳудудда ҳуқуқбузарликларни барвақт аниқлаш, аҳоли ўртасида ҳуқуқий онг ва маданиятни ошириш, айниқса ёшлар ўртасида жиноятчилик ва турли салбий ҳолатларнинг олдини олиш бўйича амалга оширилаётган ишлар муҳокама қилинди.

Шунингдек, маҳаллада тинчлик ва хавфсизликни таъминлаш, профилактик тадбирларни кучайтириш ҳамда ички ишлар органлари ва маҳалла фаоллари ўртасидаги ҳамкорликни янада мустаҳкамлаш зарурлиги таъкидланди.