Xalıq deputatları Taxtakópir rayonlıq Keńesine ÓzLiDEP partiyasınan deputat Begmanov Erniyaz Allaniyazovich tárepinen "Qaratereń" mákan puqaralar jıyınında saylawshıları menen ushırasıw dawamında xalıqtı qıynap kiyatırģan mashqala boyınsha Taxtakópir rayonı Abadanlastırıw basqarmasına deputatlıq soraw jollandı.

2026-jıl 13-aprel kúngi 46-ds-366-26-sanlı deputat sorawında "Qaratereń" MPJ Alijap, Bostanlıq hám Talwas kóshelerinde tas qum aralaspası (SHPS) alıp kelingenligin, biraq ta ońlaw jumısları islenbey toqtap qalģanlıģı boyınsha kórsetilgen.