Xalq deputatlari Angor tumani Kengashi 8-"Xo‘janqon" saylov okrugi deputati Aminqulov Shaxrijahon tomonidan tumandagi "Xo‘janqon" mahalla yettiligi faoliyati o‘rganildi. O‘rganish jarayonida mahalla raisi, hokim yordamchisi, ijtimoiy xodim hamda xotin-qizlar faollari tomonidan amalga oshirilgan ishlar alohida e’tirof etildi. Jumladan, ijtimoiy xodim tomonidan mahallada og‘ir ahvoldagi oilalarga ijtimoiy yordam ko‘rsatish yo‘lga qo‘yilgan. Xotin-qizlar faoli tomonidan “Ayollar daftari”ga kiritilgan xotin-qizlar bilan tizimli ishlar olib borilmoqda. Mazkur ishlar hududdagi ijtimoiy muhitni mustahkamlash, oilalar farovonligini oshirish hamda mahallada birdamlik ruhini kuchaytirishga qaratilgan. O‘rganish natijalariga ko‘ra, mahalla yettiligi faoliyati atroflicha tahlil qilinib, deputat tomonidan tegishli tavsiyalar berildi. Shuningdek mahalla yettiligi faoliyati doimiy ravishda rivojlanib borayotgani, aholi farovonligini oshirishga qaratilgan turli ijtimoiy, madaniy va profilaktik tadbirlar samarali tashkil etilayotgani ta’kidlandi.