Xalq deputatlari Namangan shahar Kengashining 2026-yil 18-martdagi VII-19-28-6-91-K/26-son qarori bilan Namangan shahrida 2026-yilda ko‘p kvartirali uylarga tutash hududlarda umumiy foydalanishdagi infratuzilma obyektlarini qurish va rekonstruksiya qilish ishlarining manzilli dasturi tasdiqlandi.

Mazkur dastur O‘zbekiston Respublikasi Prezidentining 2026-yil 5-fevraldagi PQ-48-son qarori ijrosini ta’minlash maqsadida ishlab chiqilgan.

Dastur doirasida quyidagi ishlar amalga oshiriladi:

Ichki yo‘laklar va kirish yo‘llarini qurish va ta’mirlash

Tashqi yoritish tizimlarini o‘rnatish

Hududlarni obodonlashtirish va ko‘kalamzorlashtirish

Bolalar maydonchalari va dam olish hududlarini barpo etish

Muhandislik-kommunikatsiya tarmoqlarini yaxshilash

Hududlarning sanitariya holatini yaxshilash

Shuningdek:

Ko‘p kvartirali uylarni ta’mirlash ishlari mahalliy budjet va boshqaruv kompaniyalari mablag‘lari asosida moliyalashtiriladi;

“Yashil makon” loyihasi doirasida hududlarda ko‘kalamzorlashtirish ishlari amalga oshiriladi;

Amalga oshirilgan ishlar yuzasidan har chorak yakuni bo‘yicha hisobot berib boriladi;

Loyihalar deputatlar tomonidan joyiga chiqib monitoring qilinadi.

Mazkur dastur amalga oshirilishi natijasida ko‘p kvartirali uylar atrofi yanada obodonlashadi, infratuzilma yaxshilanadi hamda aholi uchun qulay yashash muhiti yaratiladi.