Xalq deputatlari Zarbdor tuman Kengashi kotibiyati mudiri, 10-Mustaqillik saylov okrugidan saylangan deputat G.Xudoyarova hamda mahalla raisi birgalikda Mustaqillik mahallasidagi fuqarolar murojaati asosida 284, 285, 286-sonli ko‘p qavatli uylarni o‘rganish uchun joyiga chiqdi.

O‘rganish jarayonida mazkur uylarning kirish qismidagi umumiy foydalanishdagi yo‘laklar ta’mirtalab holga kelgani aniqlandi. Ma’lum bo‘lishicha, ushbu holat kanalizatsiya tizimini yangilash ishlari amalga oshirilishi natijasida yuzaga kelgan.

Aniqlangan muammo yuzasidan deputat tomonidan boshqaruv servis kompaniyasiga murojaat qilinib, yo‘laklarni ta’mirlash ishlarini tez fursatda amalga oshirish bo‘yicha tegishli choralar ko‘rish so‘raldi.

Mas’ullar tomonidan yaqin kunlarda ta’mirlash ishlarini boshlash rejalashtirilgani bildirildi.

Mazkur masala deputat nazoratiga olindi.