Pastdarg‘om tumanida 2027-yil Davlat dasturi asosida “Chimboy” kollektorini ta’mirlash-tiklash loyihasini tayyorlash bo‘yicha muhim ishlar amalga oshirilmoqda.

Ushbu loyiha Xalq deputatlari Pastdarg‘om tuman Kengashining 2026-yil 7-apreldagi VII-25-45-7-101-K/26-sonli qarori asosida tasdiqlangan bo‘lib, hududda suv oqimini samarali tashkil etish, kollektorning texnik holatini yaxshilash hamda infratuzilmani modernizatsiya qilishga xizmat qiladi.

Loyiha doirasida kollektorning mavjud holati o‘rganilib, uni bosqichma-bosqich ta’mirlash va tiklash ishlari rejalashtirilgan. Bu esa nafaqat sug‘orish tizimini yaxshilash, balki atrof-muhit holatini barqarorlashtirishga ham xizmat qiladi.

Mazkur tashabbus hudud aholisi farovonligini oshirish va qishloq xo‘jaligi samaradorligini kuchaytirishda muhim ahamiyat kasb etadi.