Búgin Qaraqalpaqstan Respublikası Joqarǵı Keńes deputatı A.Alliyarova hámde rayonlıq Keńes baslıǵı A.Reyovlardıń saylawshılar menen Taxtakópir rayonı 3-sanlı mektep imáratında ushırasıwı bolıp ótti.

Ushırasıwda deputatlar 2026-jıldıń I sheregi dawamında ámelge asırılǵan deputatlıq iskerligi boyınsha esabatların berdi. Esabatta deputattıń saylawshılar menen islesiw, puqaralardıń múrájatların qarap shıǵıw, sonday-aq aymaqta ámelge asırılǵan jumıslar haqqında keń maǵlıwmatlar berildi.

Sonday-aq búgingi kúnde mámleketimizde qabıl etilgen sońǵı Nızamlar, Prezident Párman hám Qararları hám de Qaraqalpaqstan Respublikası Joqarǵı Keńesi tárepinen Respublikanı sociallıq-ekonomikalıq jaqtan rawajlandırıw boyınsha qabıl etilgen qararlar haqqında keń túsinik berdi.

Atap aytqanda, ushırasıwda xalıqqa jasaw ushın qolaylı shárt sharayatlar jaratıw, qala hám awıllardıń kelbetin hám infrastrukturasın jaqsılaw, kámbaǵallıqtı kemeyttiriw, bántlik, xalıq ushın zárúr bolǵan gaz, elektr, ishimlik suw tarmaqları, ishki jollardı ońlaw máselelerine dıqqat awdarıldı. 

Ushırasıwda Joqarǵı Keńes deputatı A.Alliyarova hám rayonlıq Keńes baslıǵı A.Reyov puqaralardıń jeke murajatların tıńlap, olardıń aymaqtaǵı mashqalaların tıńladı hám olardı sheshiw boyınsha ámeliy iláj kóretuǵınlıǵın bildirdi.