Rayonda jaslardı qollap-quwatlaw baǵdarındaǵı jumıslar dawam etpekte.

Qanlıkól rayonında jaslardıń bántligin támiyinlew, olardıń baslamaların qollap-quwatlaw hám jańa joybarlardı turmısqa engiziw baǵdarındaǵı mánzilli jumıslar izbe-iz dawam ettirilmekte.

Usı baǵdarda Xalıq deputatları Qanlıkól rayonlıq Keńesi deputatı, ÓEP deputatlıq topar aǵzası Q. Paluanov óz saylaw okrugi aymaǵındaǵı jumıssız jaslar menen ushırastı. Ushırasıw dawamında jaslardıń múrajatları tıńlanıp, olardı qızıqtırǵan máseleler boyınsha tiyisli másláhátler berildi.

Sonday-aq jaslardı jumıs benen támiyinlew, olardıń iskerlik baslamaların qollap-quwatlaw hám kásiplik baǵdarlaw boyınsha ámeliy ilajlardı kúsheytiw zárurligi atap ótilip, bul baǵdardaǵı jumıslardı jánede jetilistirip barıw boyınsha kelisip alındı.

Bunday ushırasıwlar jaslardıń mashqalaların waqıtında anıqlap, olardı sheshiwde ámeliy járdem kórsetiwde áhmiyetli orın tutadı.

Xalıq deputatları Qanlıkól rayonlıq Keńesi

     Kanalǵa aǵza bolıw: 👇👇👇

📱 Telegram (https://t.me/kanlikul_deputatlar_kenesi_2019) E-Kengash (https://kengash.gov.uz/news?region_id=13&authority_id=362)