Chinoz tumani doimiy komissiyasi O‘zbekiston Respublikasining 641-sonli Qonuni ijrosi masalasini muhokama qildi. Yig‘ilishda qonun amalga oshirilishidagi yo‘nalishlar, bajarilgan ishlarning natijalari, mavjud muammolar va ularni hal qilishga doir tavsiyalar o‘z martabasini topdi. Doimiy komissiya raisi Ra’no Fozilova yig‘ilishni rahbarlik qildi.

Doimiy komissiyada O‘zbekiston Respublikasining “Nogironligi bo‘lgan shaxslarning huquqlari to‘g‘risida”gi 641-sonli Qonuni ijrosi bo’yicha o‘tkazilgan o‘rganish natijalari muhakoma qilindi

Xalq deputatlari Chinoz tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining navbatdagi majlisi bo‘lib o‘tdi.

Yig‘ilishda O‘zbekiston Respublikasining “Nogironligi bo‘lgan shaxslarning huquqlari to‘g‘risida”gi 641-sonli Qonuni ijrosi yuzasidan amalga oshirilayotgan ishlar muhokama qilindi. Qonun doirasida aholining ehtiyojmand qatlamini qo‘llab-quvvatlash, ular uchun munosib shart-sharoitlar yaratish va huquqlarini ta’minlash borasida amalga oshirilayotgan ishlar atroflicha ko‘rib chiqildi.

Shuningdek, Chinoz tumani “Inson” ijtimoiy xizmatlar markazida mazkur qonun ijrosi yuzasidan o‘tkazilgan o‘rganishlar davomida aniqlangan holatlar, amalga oshirilgan ishlar natijalari hamda mavjud muammolar yuzasidan markaz direktori Sh. Ro‘zi-Qorievning hisoboti tinglandi.

Yig‘ilish davomida doimiy komissiya raisi Ra’no Fozilova rahbarlik qildi. Shu bilan birga, doimiy komissiya a’zolari Olimjon Isoqov va Abdumalik Alievlar tomonidan hamda deputatlari Elyorjon Saidov, Surayyo Axmedovalar tomonidan mas’ullarga qator savollar berildi hamda masala yuzasidan o‘z taklif va fikr-mulohazalarini bildirib o‘tishdi.

Majlis yakunida qonun ijrosini samarali ta’minlash, mavjud muammolarni bartaraf etish va ijtimoiy himoya tizimini yanada takomillashtirish bo‘yicha tegishli tavsiyalar berildi.

Doimiy komissiya raisi
Ra'no Fozilova