💠Taroqlida zamonaviy va milliy uslubdagi 24 soatlik ko‘cha loyihasi

➡️Prezidentimiz raisligida o‘tkazilgan videoselektor yig‘ilishida aholi bandligini ta’minlash va daromadlarini oshirish, odamlar gavjum hududlarda tadbirkorlik subyektlarini ko‘paytirish, savdo va xizmat ko‘rsatish nuqtalarini rivojlantirish hamda ularning 24 soatlik faoliyatini yo‘lga qo‘yish bo‘yicha muhim vazifalar belgilangan edi.

➡️Topshiriqlar ijrosi doirasida
Ushbu vazifalar ijrosi doirasida Xalq deputatlari Sherobod tumani Kengashi 24-Xo‘jaqiya saylov okrugi deputati, Sherobod tuman hokimi Alimov Usmon Ibrohimovich boshchiligida Taroqli mahallasidan o‘tuvchi, M41 xalqaro avtomobil yo‘liga olib chiquvchi ko‘cha atroflari o‘rganildi.

➡️ O‘rganish davomida hududning mavjud imkoniyatlari, aholi va transport qatnovining faolligi, tadbirkorlik obyektlarini joylashtirish uchun qulay nuqtalar hamda ko‘chaning tashqi qiyofasini yaxshilash masalalariga alohida e’tibor qaratildi.

➡️Zamonaviy infratuzilma va milliy uslub uyg‘unligi
Mazkur hududni milliy uslub va zamonaviy dizayn uyg‘unlashgan, zamonaviy infratuzilmaga ega 24 soatlik savdo va xizmatlar ko‘chasiga aylantirish rejalashtirilmoqda.

➡️Bu yerda savdo shoxobchalari, umumiy ovqatlanish hamda xizmat ko‘rsatish obyektlarini ko‘paytirish orqali yangi tadbirkorlik subyektlarini tashkil etish, qo‘shimcha ish o‘rinlari yaratish va hududning iqtisodiy faolligini oshirish ko‘zda tutilgan.
Yangi loyihalar ko‘chaning tashqi qiyofasini tubdan yaxshilash bilan birga, tadbirkorlik uchun yangi imkoniyatlar, aholi uchun esa qo‘shimcha daromad manbalarini yaratishga xizmat qiladi.

➡️Mazkur yo‘nalishdagi ishlar bosqichma-bosqich davom ettirilib, Taroqli mahallasidagi ushbu ko‘chani tunu kun xizmat ko‘rsatadigan, zamonaviy va gavjum maskanga aylantirish bo‘yicha amaliy choralar ko‘riladi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube