Aholi bilan to‘g‘ridan-to‘g‘ri muloqotni kuchaytirish, fuqarolarning murojaatlariga joyida yechim topish hamda saylovchilarning qonuniy huquq va manfaatlarini himoya qilish borasidagi deputatlik faoliyati izchil davom etmoqda.

Xalq deputatlari Termiz shahar Kengashining 10-“Navro‘z” saylov okrugi deputati X.Xolmuminov hamda Kengash kotibiyati bosh mutaxassisi A.Temirovlar okrug hududidagi “Baynalminal” mahallasida bo‘lib, fuqarolar uchun navbatdagi sayyor qabulni o‘tkazdilar.
muloqot davomida fuqarolar tomonidan asosan quyidagi masalalar yuzasidan murojaatlar bildirildi:

• Yer munosabatlari: Yer uchastkalaridan foydalanish tartibi, hujjatlarni rasmiylashtirish va yer qonunchiligiga oid masalalar yuzasidan murojaatlar;

• Aholi bandligi: Fuqarolarni mutaxassisligi bo‘yicha doimiy ish o‘rinlariga joylashtirish, kasb-hunarga yo‘naltirish hamda daromad manbaiga ega qilish masalalari.

Qabul davomida bildirilgan har bir murojaat bo‘yicha fuqarolarga amaldagi yer qonunchiligi hamda mehnat munosabatlari mezonlari asosida batafsil huquqiy tushuntirishlar berildi.

X.Xolmuminov: "Har bir fuqaroning murojaati ortida uning kundalik hayoti, oilasi taqdiri va huquqlari yotadi. Ayniqsa, bandlik va yer munosabatlari masalasida qonuniy va adolatli yondashuv juda muhim. Saylovchilarimiz ishonchini oqlash va murojaatlariga ijobiy yechim topish uchun barcha choralarni ko‘ramiz," — deya ta'kidladi deputat.